甘い気持ちまるかじり

哈~~ 唔經唔覺呢個日記都差唔多成年冇郁過...
我講過既....唔開心同有心事先會寫架嘛....
即係我呢一年都過得可以咁啦...

今日係生日...
不過呢....又係咁過....都悶悶地架....
其實我都想生日可以同人去慶祝下架...
不過算啦.... 我唔會強求咁多既....
一個人咪一個人囉....
都冇咩所謂啦....

今年呢....應該都唔會外遊架喇...
不過如果有機會既...我梗係想啦....
希望會有奇蹟出現啦....

都唔知講咩好....
遲下再寫過啦....

話咁快聽日就起程喇..
其實呢心情都冇咩野..
又唔會特別興奮咁..可能都去過幾次..

不過離開下香港都好既..
而家最怕就係去到會落雨..
希望唔好啦..
我尋日仲特登買左副RAY-BAN..
成$1303架..
不過冇所謂啦..
我星期日又贏左錢...

希望會一路順風啦.. 再見!!

呢十幾日都發生左好多野..
有開心既,有唔開心既..
點都好啦..而家既心情總算好好多..

旅行既野都已經搞得差唔多.
行程個度呢..會去啲未去過既地方..
熱海..我一直都好想去.
呢次總算去到..而最擔心既旅費問題呢..
哈...今日俾我贏到返黎..真係開心...
希望旅程順利啦...仲有9日..

Ex個度呢..
都唔駛睇喇..
打俾佢都唔會聽..
好喇唔寫咁多住..要訓覺..

話咁快又6月...
不過呢排天氣都唔係幾好..長期都落雨...
都成十幾日冇放過假...
平時呢.我係唔會覺得累架..唔知係唔係身體差左呢..
呢2日都會有累既感覺..
不過今日放假可以休息一下..

講起休息..呢個大假真係一改再改..
本來落實係6月11日去台灣架喇..點知又唔得..
要就人既假期真係好難...
既然係咁.我就將佢推遲到6月24日囉..
推得一時得一時啦...
希望到時會有咩進展咁啦...

尋晚我老豆為左個少少野又講..
我冇手尾啫..佢又愈諗愈遠...
我要渲洩都唔會係咁啦...
係呀..我係好唔開心..
但都唔會俾你地知啦..
我會一個人承受架..有邊個會幫到我呢...

睇黎我大假都一定會離開香港
好過到時又面左左咁...
今日去書店睇下啲旅遊書..
不過9成9都係日本架喇..
可能去熱海啦....
一個人既旅行..都係當散心啫...
不過要搵返啲旅費先得...

唉...要得到溫暖真係唔係咁易..
家人又好.朋友又好....
從小我就喺呢個環境長大.....

生活如常..都係咁上下..
本來下個月會去台灣旅行架....
不過啲人話攞唔到假喎. 要9月先得...
希望到時唔好又唔得啦..
大假總要放既...
下個月放住4.5日先啦...
可能會過澳門行下囉....用得一日得一日嘛...
我前女友都唔知呢排去左邊度...
可能旅行呢...同邊個去就唔知喇..
下個月約佢出黎一次囉....

尋日呢....俾我贏左二萬六千幾返黎喎..
可以解決一下啦...
即刻買左成千蚊衫...呢排真係好鍾意恤衫..
可能人大左啦...T-shirt 已經唔多鍾意著..
介想買多對鞋呢..
不過呢..贏錢既感覺已經唔係好大..
可能要贏得多先會有掛....

一陣呢
約左michelle去迪士尼..
哈...我都唔知點解架..
佢又肯去喎..又好啦..
好過係屋企無聊...星期六一定好多人...
聽晚約左佢地食飯..
而家既生活總算不錯.....

呢排真係懶.....都好多日冇上黎呢度...
頭先chack下個人次啦...
呢度間唔中都會有2個人上黎架喎..
唔知係咩人喇.. 日本人!??

上個月25歲生日..其實都係咁啦..
身邊人真係冇咩點理我..一來佢地唔知我幾時生日啦..
返到屋企屋企人同平時一樣...算啦...冇咩所謂..化晒...
反而facebook啲人就會同你講囉...
前女友都send左個message俾我..
叫我日日都開心喎..其實佢返黎既我就會日日都開心....

上星期同左班新朋友出黎食飯...
好多都大過我....真係估唔到.....其實去到都冇咩癮..
之後尋晚又出左去食糖水...
其實去旅行既機會真係幾細下....如果去我諗都係三幾個...
不過6月就真係要放...冇計...希望呢個月搵多啲錢...
目標係3-4萬啦....希望可以...咁就可以去下旅行...一個都照去喇...
都係日本,台灣架喇..都冇咩邊度好去...

今日本來想睇Ironman2既...不過套 瘋殺禁區 好似更加好睇..
你知我最鍾意就係睇呢啲戲架啦..
都ok既...又唔係唔好睇既...都有幾個驚嚇位架...
睇完之後又食又飲咁到6點幾就返左市中心同人食飯..
話我生日補返請我食野喎...都好既...有人記得...
有時我真係寧願冇生日呢樣野...

呢排發覺喺日本買嗰條Levis 611都幾好睇..
而家都成日著....反而501就著得最少...
仲有呢..而家飲牛奶冇事喇...
真係好...我真係好鍾意飲架嘛..
同埋Katy Perry 啲歌都幾好聽...日日都聽....

慢慢發覺個topic同內容冇咩關係....

尋日係生日前最後一次既放假....
都好既...咪早啲出去囉...
10點幾就出去喇...

咁去睇左 kick ass...
套野都ok架....個hit girl好正.....
佢超型呀...有個呢啲細妹真係好
睇完就去左食野...... 食Sushi One
都好耐冇食過喇.....真係好一般...
好食既鰻魚真係唔知邊度有得食..懷念日本呢.....

講開下個月可能放大假...
去旅行掛..... 台灣?沙巴?
到時先算啦....

唉......心情真係唔多好...
岩岩係facebook見到我前女友話佢正係一段複雜既關係中....
我睇到真係心都實晒.....
我真係冇放低過佢.......

都冇咩好講....
真係...
My shadow only one that walk beside me
My swallow heart the only things is beathing....

陪著我走的只有我既影子...
破碎的心只有平靜的心跳.....

今日放假...仲撞正係復活節...
其實我都唔係好知今日係架.....因為呢個節日冇咩用....

屋企人返左大陸...所以今日屋企冇人囉...
好彩今日有馬跑我先冇咁悶...
加上尋晚買左勁多野返屋企..算有得食下咁囉...

夜晚本來諗住落去超級市場買個麵返屋企自己煮架...
不過諗諗下都係唔好喇...
咪走左去新屯門中心個度食囉...
其實個商場真係好冷清架.....都唔知有咩好行...
食完岩岩返屋企囉..

其實咁樣一個人住既生活真係好悶好悶架....
又冇人同你傾計喎..
所以都係唔好一個人去旅行喇....

其實..我真係好想有人可以關心下我......

好快咁又差唔多到4月..
依家公司又開始追人放大假...
唉...都唔知放大假有咩好做....
唔通冇野做都放咩.....睇怕都係無聊咁過架喇....

個時8月...一路都諗中秋,聖誕,新年,情人節....會有咩做...
啲人又話有排都未到啦,邊駛咁早諗定呀....
其實自己都知..根本9成都冇野做....
而家到大假.....真係唔知有咩好做..
其實最好就係去旅行架喇....不過一個人去!???
可能會好悶囉........
唉...都唔知點算......

下個月又係生日...
其實從來都覺得生日冇咩意義...
因為我都冇咩俾人重視過...
不過今年唔知點解感覺有啲強烈...
今次生日係星期日...
我肯定一定係自己一個人過咁滯...
睇怕到時都係自己幫自己慶祝...自己買野送俾自己.....

呢個日記真係愈寫愈灰....